विराटनगर, झापा भन्सार नतिरी नेपाल भित्र्याइँदै गरेका कृषि उपकरणसहितका तीन भारतीय कन्टेनरलाई बिर्तामोडबाट प्रहरीले नियन्त्रणमा लिएको छ।
झापा जिल्ला प्रहरी कार्यालयका निमित्त प्रवक्ता प्रहरी निरीक्षक प्रवीण श्रेष्ठका अनुसार ती कन्टेनरमा फसल काट्ने मेसिन, पराल संकलक मेसिन तथा तिनमा प्रयोग हुने विभिन्न पार्टपुर्जा फेला परेका हुन्।
तीन करोड ६१ लाख रुपैयाँबराबरको कृषि उपकरण बरामद
प्रहरीका अनुसार उक्त कन्टेनरहरूबाट करिब ३ करोड ६१ लाख रुपैयाँ बराबरका अवैध कृषि औजारहरू बरामद गरिएको हो।
राजस्व अनुसन्धान कार्यालयमा थप कारबाहीका लागि पठाइयो
बरामद सामग्री र कन्टेनरहरूलाई थप अनुसन्धान तथा आवश्यक कारबाहीका लागि राजस्व अनुसन्धान कार्यालय, इटहरी पठाइएको प्रहरीले जनाएको छ।
